Khulna Ghazab Hua Teri Zulf-e-Daraaz Ka,
Phansi Gale Me Daal Ke Duniya Latak Gayi...
Khulna Ghazab Hua Teri Zulf-e-Daraaz Ka,
Phansi Gale Me Daal Ke Duniya Latak Gayi...
Rakhta Hai Khaak Par Woh Qadam Jab Ki Naaz Se,
Kehta Hai Asmaan, Na Kyu Mai Zamee'n Hua...
Kabhi Yu Bhi Ho Sar-e-Bazm Wo, Mujhe Ye Kahe Ke Ghazal Suna,
Mai Ghazal Ghazal Me Use Ye Kaho, Mera Koi Nahi Tere Siwa...
Ek Toh Husn Bala, Us Pe Banavat Aafat,
Ghar Bigadege Hazaro Ke, Sawarne Wale...
Yaaro Kuch To Zikr Karo Uski Qayamat Banho Ka,
Woh Jo Simat'te Honge Unn Me, Woh To Marr Jaate Honge...
Haath Uljhe Hue Resham Me Phansa Bethe Hai,
Bata Ab Koun Se Dhage Ko Kis Se Juda Kare...
Tu Nazm Nazm Sa Mere Honto Pe Thaher Ja,
Mai Khwaab Khwaab Sa Teri Aankho Me Jaagu Re...
Ayadat Ko Meri Aaa Kar Wo Ye Taakid Karte Hai,
Tujhe Hum Maar Dalenge Nahin To Jald Accha Ho...
Darwaza Jo Khola To Nazar Aaye Khade Woh,
Hairat Hai Mujhe Aaj Kidhar Bhool Pade Woh...
Woh Kaaghaz Bhi Phoolo Ki Tarha Ab Tak Mahekta Hai,
Jis Par Tum Ne Likha Tha, Mujhe Tum Se Mohabbat Hai...
Teri Saadgi Ka Husn Bhi Lajawaab Hai,
Mujhe Naaz Hai Ke Tu Mera Intekhaab* Hai...
Intekhaab= Choice, Pasand
Ab To Shayad Hi Mujhse Muhabbat Kare Koi
Meri Aankho Me Tum Saaf Nazar Aate Ho...
Sahil Jaisi Lagti Hai Woh, Aur Bhanwar Si Aankhe Hai,
Saade Se Ek Chehre Par Kya Jadugar Si Aankhe Hai...
Us Ke Rukhsaar Pe Dimple Ne Qayamat Kar Di
Ek Chhote Se Bhanwar Me Mera Dil Doob Gaya...