Khulna Ghazab Hua Teri Zulf-e-Daraaz Ka (Romantic Poetry, Funny Poetry)

Khulna Ghazab Hua Teri Zulf-e-Daraaz Ka,

Phansi Gale Me Daal Ke Duniya Latak Gayi...

Mujh Jaisa Ek Aadmi Mera Hi Hum-Naam (Nida Fazli Poetry, Urdu Dohe)

Mujh Jaisa Ek Aadmi Mera Hi Hum-Naam,

Ulta Sidha Wo Chale Mujhe Kare Bad-Naam...

Rakhta Hai Khaak Par Woh Qadam Jab Ki Naaz Se (Romantic Poetry, Two Line Poetry)

Rakhta Hai Khaak Par Woh Qadam Jab Ki Naaz Se,

Kehta Hai Asmaan, Na Kyu Mai Zamee'n Hua...

Iss Ghar Ki Khuli Chhat Pe Chamakte Hue Taaro (Funny Poetry)

Iss Ghar Ki Khuli Chhat Pe Chamakte Hue Taaro,

Kehte Ho Kabhi Jaa Ke Waha, Baat Yaha Ki...?

Kitne aishh se rehte honge kitne itraate honge... -Jaun Eliya (Jaun Eliya Ghazal, Sad Shayari)

Kitne aishh se rehte honge kitne itraate honge
Jaane kaise log wo honge jo us ko bhaate honge

Shaam hue khush-bash yahan ke mere paas aa jate hain
mere bujhne ka nazaara karne aa jate honge

Wo jo na aane wala hai na us se mujh ko matlab tha
aane walo se kya matlab aate hai aate honge

Us ki yaad ki baad-e-saba mein aur to kya hota hogaYoon hi mere baal hai bikhare aur bikhar jaate honge

Band rahe jin kaa darwaaza aise gharo ki mat poochho
Deeware gir jaati hogi aangan rah jaate honge

Meri saans ukdate hi sab bain karenge royenge
Yaani mere baad bhi yaani saans liye jaate honge

Yaaro kuchh toh zikr karo tum us ki kyaamat baahon ka
Wo jo simat'te honge unme wo to mar jaate honge

-Jaun Eliya

Watch Amazing Recitation Of "Kitne aaish se rehte honge..." -Jaun Eliya

Kabhi Yu Bhi Ho Sar-e-Bazm Wo, Mujhe Ye Kahe Ke Ghazal Suna

Kabhi Yu Bhi Ho Sar-e-Bazm Wo, Mujhe Ye Kahe Ke Ghazal Suna,

Mai Ghazal Ghazal Me Use Ye Kaho, Mera Koi Nahi Tere Siwa...

Ungliyaa Bhi Isi Soch Me Gum Hai Faraz

Ungliyaa Bhi Isi Soch Me Gum Hai Faraz,

Us Ne Kaise Naye Haath Ko Thama Honga...?

Ek Toh Husn Bala, Us Pe Banavat Aafat

Ek Toh Husn Bala, Us Pe Banavat Aafat,

Ghar Bigadege Hazaro Ke, Sawarne Wale...

Bichhde Yu Ke Ret Pe Gum-Sum Bethe-Bethe

Bichhde Yu Ke Ret Pe Gum-Sum Bethe-Bethe,

Uss Ne Mere, Maine Uske Jurm Likhe...

Kaash Mai Tere Haseen Haath Ka Kangan Hota... (Nazm) -Wasi Shah

Kaash Mai Tere Haseen Haath Ka Kangan Hota

Tu Bade Piyaar Se Chaao Se Bade Maan Ke Sath

Apni Nazuk Si Kalayi Me Chadati Mujh Ko

Aur Be-Taabi Se Fursat Ke Khizaa Lamho Me

Tu Kisi Soch Me Dobi Jo Ghomati Mujh Ko

Mai Tere Hath Ki Khushboo Se Mehak Sa Jata

Jab Kabhi Mood Me Aa Kar Mujhe Choma Karti

Tere Hontoo Ki Mai Hiddat Se Dehak Sa Jata

Raat Ko Jab Bhi Tu Neendo Ke Safar Par Jati

Mar-Marein Hath Ka Takiya Banaya Karti

Mai Tere Kaan Se Lag Kar Kayi Baate Karta

Teri Zulfon Ko Tere Gaal Ko Chheda Karta

Mujh Ko Be-Taab Sa Rakhta Teri Chahat Ka Nasha

Mai Teri Rooh Ke Gulshan Me Meehakta Rehta

Mai Tere Jism Ke Aangan Me Khanakta Rehta

Kuch Nahi To Yahi Be Naam Sa Bhandhan Hota

Kash Mai Tere Haseen Haath Ka Kangan Hota

-Wasi Shah

Dil Toh Kehta Hai Use Lout Ke Aana Hai Yahi

Dil Toh Kehta Hai Use Lout Ke Aana Hai Yahi,

Ye Dilasa Mujhe Pagal Nahi Hone Deta...

Mujhse Kehta Hai Ke Saaye Ki Tarha Saath Hai Hum

Mujhse Kehta Hai Ke Saaye Ki Tarha Saath Hai Hum,

Yu Na Milne Ka Nikala Hai Bahana Kaisa...

Meri Bad-Naseebi Kidhar Chali Mere Paas Aa, Mere Saath Aa

Meri Bad-Naseebi Kidhar Chali Mere Paas Aa, Mere Saath Aa,

Mujhe Aag Aag Toh Kar Diya, Meri Raakh Bhi Toh Udaye Ja...

Mere Lafzo Ne Kaha Tha Ruk Ja

Mere Lafzo Ne Kaha Tha Ruk Ja,

Haath Jode The Mere Lehje Ne...

Tum Mujhe Yaad Ab Nahi Aate

Tum Mujhe Yaad Ab Nahi Aate,

Tum Mujhe Yaad Ho Gaye Ho Ab...

Wo Jo Lagta Hai Hume Jaan Se Pyara Pagal... (Ghazal)

Wo Jo Lagta Hai Hume Jaan Se Pyara Pagal,
Wo Hai Lakho Me Faqat Ek Humara, Pagal

Teri Daryao Si Aadat Hi Tujhe Le Doobi,
Mai Batata Hi Raha Ye Hai Kinara, Pagal

Har Kisi Se Nahi Umeed Lagayi Jati,
Har Koi De Nahi Sakta Hai Sahara, Pagal

Wo Bhi Qisto Me Dikhata Hai Adaye Apni,
Wo Bhi Hone Nahi Deta Mujhe Sahara, Pagal

Iss Pe Kya Rona, Tumhe Koi Samajhta Hi Nahi,
Mujhse Aa Kar Toh Kaho Me Hu Tumhara, Pagal

Saath Tum The Toh Mujhe Raas Tha Pagalpan Bhi,
Ab Tere Baad Kare Kaise Guzara? Pagal

Door Tum Jab Se Hue Tab se Humare Hisse,
Bas Khasara Hai, Khasara Hai, Khasara, Pagal

Ab Meri Koi Zindagi Hi Nahi -Jaun Eliya

Ab Meri Koi Zindagi Hi Nahi,

Ab Bhi Tum Meri Zindagi Ho Kya...?

Jo Guzar Rahi Hai Guzaar Do, Na Bura Kaho, Na Gila Karo

Jo Guzar Rahi Hai Guzaar Do, Na Bura Kaho, Na Gila Karo,

Jo Tumhara Haal Hai Dosto Wahi Saare Shaher Ka Haal Hai...

Apni Poshaak Hi Me Rehta Hu

Apni Poshaak Hi Me Rehta Hu,

Khaak Hu, Khaak Hi Me Rehta Hu...

Yaaro Kuch To Zikr Karo Uski Qayamat Banho'n Ka -Jaun Eliya

Yaaro Kuch To Zikr Karo Uski Qayamat Banho Ka,

Woh Jo Simat'te Honge Unn Me, Woh To Marr Jaate Honge...